பாலினத்தின் அடிப்படையில் வன்முறைக்கு எதிரான 16 நாட்களில் சமூக ஊடகங்களின் தாக்கம்
பாலின வன்முறைக்கு எதிரான 16 நாட்கள் – பெண்களுக்கு எதிரான அனைத்து வகையான வன்முறைகளையும் தடுப்பதற்கும், அவற்றை உலகத்திலிருந்து ஒழிப்பதற்கும் நவம்பர் 25 முதல் டிசம்பர் 10 வரை, உலகெங்கிலும் உள்ள பல்வேறு பெண் ஆர்வலர்கள், பெண் உரிமை அமைப்புகள் உட்பட. பல்வேறு அமைப்புகளால் ஏராளமான நிகழ்ச்சிகள் நடாத்தப்பட்டு வருகின்றன. வீட்டு வன்முறை, குறைந்த வயது திருமணங்கள், குறைந்த வயது கர்ப்பம், பாலியல் துஷ்பிரயோகம் உள்ளிட்ட பெண்களுக்கு எதிரான பல்வகையான வன்முறைகளைத் தடுப்பதற்கான சட்டங்கள் உருவாக்க முயற்சிப்பதே இதன் நோக்கமாகும். இந்த நிகழ்ச்சிகள் ஒவ்வொரு ஆண்டும் நடைபெறுகிறது என்றாலும், இந்த ஆண்டின் சிறப்பம்சம் என்னவென்றால் தற்போதைய கொவிட் 19 காலத்தில் இலங்கை உட்பட உலகின் பல பகுதிகளிலும் பாலின அடிப்படையிலான வன்முறைகள், குறிப்பாக வீட்டு வன்முறைகள் அதிகரிப்பதாகும்.
கொவிட் 19 இன் முதல் அலையின்போது, சமூக வலையமைப்பில் நன்கு அறியப்பட்ட ஒரு செவிலியர் புஷ்பா ரம்யானி சோய்சா தனது சமூக ஊடக பக்கத்தில் கொரோனா வைரஸ் காலத்தில் மருத்துவமனைக்கு வருபவர்களின் எண்ணிக்கை ஓரளவு அதிகரிப்பதைக் காட்டுகிறது என்றும் அவற்றில் தங்கள் கணவர்களால் தாக்கப்பட்ட பெண்களும் அடங்குவர் என்றும் குறிப்பிட்டுள்ளார்.. இதேபோல், சமீபத்தில் ஒரு அரசு நிறுவனத்தில் கூட பெண்களுக்கு எதிரான வன்முறைகள் பதிவாகியுள்ளன. மேலும், ஒரு மத வழிபாட்டு ஸ்தலத்துக்கு முன்னால், ஒரு மனிதனால் ஒரு சிறுமிக்கு தனது பிறப்புறுப்புகளைக் காட்ட முயற்சிக்கும் ஒரு கீழ்த்தரமான சம்பவத்தை கூட பார்க்க முடிந்தது. உண்மையில், இதுபோன்ற நிகழ்வுகள் தொடர்பான செய்திகள் ஊடகங்களில் மிக விரைவாகப் பரவுவதை நாம் அடிக்கடி பார்க்கிறோம். கடந்த காலங்களில் இதுபோன்ற சம்பவங்கள் நிகழவில்லை என்றும் நிகழ்காலத்தில் அதிகரித்துள்ளன என்றும் இவ்வாறு கூறுவதின் அர்த்தமல்ல. மக்கள் மத்தியில் சமூக ஊடகங்களின் பயன்பாடு அதிகரித்து வருவதாலும், இதுபோன்ற காட்சிகளை பதிவு செய்ய வேண்டும் என்ற அவர்களில் ஏற்படும் உள்ளுணர்வு காரணமாகவும், தயக்கமின்றி அவற்றை சமூக ஊடகங்களில் வெளியிட ஆசைப்படுகிறார்கள் என்பதே இதற்குக் காரணம்.
பாலின அடிப்படையிலான வன்முறைக்கு எதிராக குரல் எழுப்புவதில் சமூக ஊடகங்கள் பெரும் பங்கு வகிக்கின்றன என்பது இதிலிருந்து புரிகிறது. பாலின சமத்துவத்தின் அடிப்படையில் வன்முறை குறித்த ஒரு வலுவான வெளிப்பாடு ஒரு சமூக தலைப்பை உருவாக்க போதுமானது, குறிப்பாக இதுபோன்ற வன்முறைகள். மேலும், இந்த வன்முறைக்கு எதிராக சமூக ஊடக நெட்வொர்க்குகளான பேஸ்புக் மற்றும் ட்விட்டரில் பல்வேறு சமூக ஆர்வலர்கள் எழுதிய கட்டுரைகள் மற்றும் நடத்திய விவாதங்கள் அந்த சமூக ஊடகங்களைப் பயன்படுத்துபவர்களுக்கு பெரும் அறிவை அளிக்கின்றன. பலர் தங்கள் சமூக ஊடக கணக்குகளில், குறிப்பாக பெண்கள் பயன்படுத்தும் சானிட்டரி நாப்கின்கள் குறித்து தங்கள் கருத்துக்களை வெளியிட்டுள்ளனர், மேலும் அந்தக் கட்டுரைகளின் ஆய்வு இந்த விடயத்தில் இருந்து திசைமாறி செல்வதைக் காட்டுகிறது. ஏனெனில் சுகாதார நாப்கின்களைப் போலவே, பாலினத்தை அடிப்படையாகக் கொண்ட வன்முறையும் உரையாடுவதில் கூட சமூகத்தில் ஒரு தயக்கம் உள்ளது. பாலின அடிப்படையிலான வன்முறைக்கு எதிரான 16 நாட்களுக்கான செயல்திட்டங்கள் ஐக்கிய நாடுகளின் மேம்பாட்டு நிதி மற்றும் இலங்கை இளைஞர் ஆலோசனை நெட்வொர்க் மூலம் பல்வேறு இணையதளங்கள் ஊடாக தொடர்ச்சியான வெபினார் திட்டங்களை ஏற்பாடு செய்துள்ளன. தற்போதுள்ள வினா விடை நிகழ்ச்சி இந்த நாட்களில் சமூக ஊடகங்களிலும் முக்கியமான இடம்வகிக்கிறது.
இத்தகைய திட்டங்கள் மூலம், சமூக ஊடக பயனர்கள் புதிய அறிவையும், பாலின அடிப்படையிலான வன்முறைக்கு உட்படுத்தப்பட்டால் எடுக்க வேண்டிய நடவடிக்கை பற்றிய புரிதலையும் பெறலாம். தற்போதைய தொற்றுநோய் காலத்தில் பயனர்களின் எண்ணிக்கை அதிகரித்துள்ள போதிலும், இந்த தலைப்பைப் பற்றி சமூக ஊடகங்களில் நிறைய பேச்சுக்கள் வந்துள்ளன. எடுக்கவேண்டிய நடவடிக்கைகள் பற்றிய புரிதல் உள்ளது. நிச்சயமாக, சமூக ஊடகங்களில் இதுபோன்ற விஷயங்களில் குறிப்பிடத்தக்க பங்கு வகிக்க முடியும், ஆனால் இதற்கு எதிர்மறையான ஒன்றுள்ளது என்பதும் உண்மைதான்: சமூக ஊடகங்களும் பாலின அடிப்படையிலான வன்முறையை பரப்பும் ஆற்றலைக் கொண்டுள்ளன. உடல் மற்றும் மன ரீதியான துஷ்பிரயோகம் மற்றும் பாலினத்தின் அடிப்படையில் இணைய அச்சுறுத்தல் பற்றி சமூக ஊடகங்களில் நிறைய விடயங்களை பேசலாம். இந்த வன்முறை குறித்து சமூக ஊடக பயனர்கள் ஆண்டுக்கு 16 நாட்கள் மட்டுமல்ல, ஆண்டு முழுவதும் ஆண்களை அடிப்படையாகக் கொண்ட, வன்முறைக்கு எதிராக நடவடிக்கை எடுக்க ஒரு உரையாடலை உருவாக்க முடிந்தால் அது மிகவும் பயனுள்ளதாய் இருக்கும்.
